İxtisas seçimi nə vaxt başlayır?
İxtisas seçimi qəbul imtahanının nəticələri elan olunduqdan sonra, adətən yayda (iyul–avqust) DİM-in saytında elektron qaydada aparılır. Dəqiq tarixləri DİM hər il ayrıca elan edir; boş qalan yerlər üzrə sonradan əlavə seçim mərhələsi də olur. sec.az platformasında seçimdən əvvəl — imtahan nəticənizlə bərabər — uyğun ixtisasları daha əvvəl araşdıra bilərsiniz.
Keçid balı ilə qəbul balı arasında nə fərq var?
Qəbul balı abituriyentin imtahanda topladığı baldır (I–IV qruplarda maks. 700). Keçid balı isə əvvəlcədən təyin olunmur — müsabiqə nəticəsində həmin ixtisasa qəbul olunan sonuncu abituriyentin balıdır və hər il dəyişir. Müsabiqəyə buraxılmaq üçün ayrıca minimum var: I–IV qruplarda ümumi bal ən azı 200, II mərhələ balı ən azı 100 (bəzi ixtisaslarda, xüsusən ödənişli yerlərdə 150/50).
Hansı ixtisas mənə uyğundur necə bilinir?
Uyğun ixtisası müəyyənləşdirmək üçün bal, maraqlar, karyera hədəfləri və iş bazarı tələbi birlikdə dəyərləndirilməlidir. sec.az platformasındakı AI tövsiyəsi sizin balınızı və maraqlarınızı əlaqələndirərək uyğunluq faizi ilə ixtisas sıralaması təqdim edir.
sec.az pulsuzdur?
Bəli, sec.az-ın əsas xidmətləri (ixtisas axtarışı, universitet siyahısı, keçid balları) pulsuzdur. AI əsaslı detallı tövsiyələr, qəbul ehtimalı və maaş analitikası Pro paket daxilindədir.
Dövlət sifarişi və ödənişli əsasla nə fərqi var?
Dövlət sifarişi əsasında qəbul olan tələbənin təhsil haqqı dövlət büdcəsindən ödənilir (hər təhsil səviyyəsində yalnız bir dəfə). Ödənişli əsas isə öz vəsaitin hesabına təhsildir. Eyni ixtisas üzrə dövlət sifarişli yerlərin keçid balı adətən ödənişli yerlərdən yüksək olur.
İxtisas seçdikdən sonra onu dəyişmək olar?
Qəbuldan sonra köçürmə mümkündür, amma şərtləri sərtdir: köçürmə ildə bir dəfə, yay tətilində aparılır; yalnız eyni ixtisas qrupu daxilində ixtisas dəyişmək olar; qəbul balın köçmək istədiyin ixtisasın həmin il üzrə keçid balından aşağı olmamalıdır; köçürülənlər adətən ödənişli əsasla davam edir. Ona görə seçim zamanı diqqətli olmaq daha praktikdir.
Qəbul balı aşağı olsa nə etməli?
Balınız yüksək olmayan hallarda: 1) daha az rəqabətli ixtisasları araşdırın, 2) regional universitetlərə baxın, 3) ödənişli əsasla qəbulu nəzərdən keçirin, 4) növbəti il üçün hazırlıq kurslarına qoşulun. sec.az-da balınıza uyğun bütün imkanları bir baxışda görə bilərsiniz.
AI tövsiyəsi necə işləyir?
sec.az-ın AI modeli sizin balınızı, maraqlarınızı, şəhər seçiminizi və ixtisasın ötən illər statistikasını nəzərə alır və sizin üçün uyğun ixtisasları uyğunluq faizi ilə sıralayır.