Hesabın silinməsi

Tətbiq və tərtibatçı

• Tətbiqin adı: sec.az — İxtisas Seç
• Google Play paket adı: az.sec.ixtisas
• Tərtibatçı: “İXTİSAS SEÇ” Məhdud Məsuliyyətli Cəmiyyəti (VÖEN: 1807424921)
• Əlaqə e-poçtu: info@sec.az

Bu səhifə yalnız sec.az (İxtisas Seç) hesabınıza aiddir. DİM (dim.gov.az), universitetlər və ya digər üçüncü tərəf platformaları üzrə hesablar bizim nəzarətimizdə deyil.

Silmə üçün addımlar

Hesabınızı silmək üçün aşağıdakı iki üsuldan birini seçə bilərsiniz. E-poçt sorğusu komandamız tərəfindən əl ilə icra olunur; tətbiq daxilində isə hesabınızı özünüz dərhal deaktiv edə bilərsiniz.

Üsul A — E-poçt vasitəsilə (tövsiyə olunur)

1. Hesabınızda istifadə etdiyiniz eyni e-poçtdan bizə yazın: info@sec.az.
2. Mövzu: Hesabı sil.
3. Mətndə qeyd edin: hesab e-poçtu, ad-soyad, telefon (varsa).
4. Sorğunu aldıqdan sonra 2 iş günü ərzində e-poçtla təsdiq göndərəcəyik.
5. Təsdiqdən sonra 30 təqvim günü ərzində hesabınız aşağıdakı qaydada deaktiv edilir və “soft delete” statusuna keçirilir.

Üsul B — Tətbiq daxilində

1. Tətbiqi açın və hesabınıza daxil olun.
2. Profil bölməsində sağ yuxarıdakı dişli ikonuna toxunaraq Tənzimləmələr səhifəsini açın.
3. Hesabı sil düyməsinə toxunun və təsdiqləyin.
4. Hesabınız dərhal deaktiv edilir: ad, soyad və telefon silinir, bütün cihazlarda sessiyalar bağlanır, bildiriş tokenləri silinir və siz hesabdan çıxırsınız. Qalan məlumatlar aşağıdakı qaydada silinir və ya saxlanılır.

Silinən məlumatlar

Sorğu qəbul edilib təsdiq olunduqdan sonra aşağıdakı məlumatlar ictimai görünüşdən və adi istifadədən silinir (“soft delete”):

• profil məlumatları (ad, soyad, telefon, profil şəkli, doğum tarixi);
• e-poçt ünvanı autentifikasiya sistemindən maskalanır;
• seçilmiş ixtisas və universitet siyahıları (favoritlər);
• daxil edilmiş bal, qrup və alt qrup seçimləri;
• sorğu tarixçəsi və AI tövsiyə nəticələri;
• aktiv Pro / Pro Max paketləri və qalan sorğu hüquqları;
• tətbiq bildirişləri üçün cihaz tokenləri.

“Soft delete” o deməkdir ki, məlumatlar tətbiq və veb-saytda artıq görünmür, hesab giriş edilə bilməz, lakin texniki olaraq bazada müəyyən müddət saxlanılır (aşağıya bax). Bu müddətdən sonra məlumatlar daimi olaraq silinir və ya anonimləşdirilir.

Saxlanılan məlumatlar və müddətlər

Bəzi məlumatlar qanuni, mühasibat və təhlükəsizlik öhdəlikləri səbəbilə hesab silindikdən sonra da saxlanılır:

• Ödəniş əməliyyatları (məbləğ, tarix, kart maskası, Epoint əməliyyat ID, bank cavabı) — Azərbaycan Respublikasının mühasibat və vergi qanunvericiliyinə uyğun olaraq 5 il saxlanılır.
• Giriş və autentifikasiya logları (cihaz, OS, IP, vaxt) — təhlükəsizlik və sui-istifadənin araşdırılması üçün 12 ay saxlanılır.
• Audit qeydləri (admin əməliyyatları, paket dəyişiklikləri) — 24 ay saxlanılır.
• Anonim analitika (istifadəçi ID-yə bağlı olmayan aqreqat statistika) — qeyri-müəyyən müddətə saxlanıla bilər, lakin sizinlə əlaqələndirilə bilməz.

Bu müddətlər başa çatdıqdan sonra qalan bütün məlumatlar ya tam silinir, ya da geri qaytarılmayacaq şəkildə anonimləşdirilir.

Sual-cavab

Sorğum nə qədər müddətdə icra olunur?
Adi halda 30 təqvim günü ərzində. Daha tez tələb varsa, e-poçtda qeyd edin — mümkün olsa, sürətləndiririk.

Pulu geri qaytarırsız?
Pro / Pro Max paketləri rəqəmsal və geri qaytarılmayan xidmət hesab edilir; hesabın silinməsi avtomatik olaraq pul qaytarılması üçün əsas yaratmır. Mübahisəli hal varsa, e-poçtda izah edin.

Fikrimi dəyişə bilərəm?
Bəli. 30 gün ərzində info@sec.az ünvanına yazaraq sorğunu ləğv edə bilərsiniz; hesab bərpa olunur.

Eyni e-poçtla yenidən qeydiyyatdan keçə bilərəmmi?
Silinmiş hesabın e-poçtu ilə giriş bloklanır. Eyni e-poçtla yenidən istifadə etmək istəsəniz, info@sec.az ünvanına yazın.

Əlaqə

Hesabın silinməsi və ya bu səhifədəki qaydalarla bağlı suallar üçün:

• Tərtibatçı: “İXTİSAS SEÇ” Məhdud Məsuliyyətli Cəmiyyəti
• VÖEN: 1807424921
• E-poçt: info@sec.az
• Əlaqə forması: /elaqe

Tam məxfilik şərtləri üçün Məxfilik Siyasətinə baxın.